برلن: دنیا بھر میں تہلکہ مچانے والی وکی لیکس کے بانی جولین اسانج نے امریکی انتخابات سے قبل دس لاکھ خفیہ دستاویزات جاری کرنے کا اعلان کردیا۔
وکی لیکس کےبانی نے تنظیم کے دسویں سالگرہ کےمکمل ہونےپربرلن میں منعقد ہونےوالی تقریب میں ویڈیوخطاب کرتے ہوئے اعلان کیاکہ وکی لیکس گزشتہ تین امریکی حکومتوں سے متعلق دستاویزات کومنظرعام پرلائےگی۔
جولین اسانج کاکہناتھاکہ وکی لیکس اگلے دس ہفتوں تک دستاویزات جاری کرے گی۔جولین اسانج نے ا س تاثر کی تردید کی کہ خفیہ دستایزات کےجاری کرنےکامقصد صدارتی امیدوار ہلیری کلنٹن کی ساکھ کوخراب کرناہے۔
جولین اسانج نے ویڈیو بیان میں کہا کہ دس سالوں میں وکی لیکس نےایک کروڑخفیہ دستاویزات جاری کیں۔ تنظیم کی دسویں سالگرہ جولین اسانج نے مستقبل میں جنگ،تیل،گوگل اورنگرانی سے متعلق دستاویزات جاری کرنے کابھی وعدہ کیا۔
واضح رہے کہ جولین اسانج2012 سے برطانیہ میں ایکوا ڈور نامی ملک کے سفارت خانے میں پناہ گزین ہیں اور امریکہ کے انتہائی مطلوب افراد کی فہرست میں شامل ہیں۔
