کراچی: پاکستانی اداکارہ رمشا خان نے شادی کے بعد شوبز انڈسٹری سے کنارہ کشی اختیار کرنے کا فیصلہ کرلیا۔
تفصیلات کے مطابق ڈرامہ انڈسٹری میں اپنی صلاحیتوں کے جوہر دکھانے والی رمشا خان نے ایک ٹی وی انٹرویو میں کہا کہ شادی کے بعد وہ شوبز کو خیرباد کہہ دیں گی۔
رمشا خان نے کہا کہ میں نے انڈسٹری میں کامیاب پانچ سال گزارے ہیں اور اس مقام تک پہنچنے کے لیے بہت محنت کی لیکن شادی کے بعد میرے لیے کیریئر جاری رکھنا ناممکن ہوگا۔
انہوں نے کہا کہ اداکاری ہمیشہ سے میرا انتخاب رہا ہے، جب میں انڈسٹری میں قدم رکھا تو میری نجی زندگی متاثر ہوئی اور اہل خانہ کی ناراضگی کا سامنا کرنا پڑا۔
[bs-quote quote=”انڈسٹری میں قدم رکھا تو نجی زندگی متاثر ہوئی اور اہلخانہ کی ناراضگی کا سامنا کرنا پڑا” style=”style-8″ align=”left”][/bs-quote]
رمشا کے مطابق انہیں گھریلو کاموں میں دلچسپی نہیں ہے لیکن وہ اب مختلف مزے مزے کی اشیاء بنانا سیکھ رہی ہیں تاکہ شادی کے بعد انہیں ان سب چیزوں پر عبور حاصل ہوجائے۔
واضح رہے کہ رمشا خان نے ناصرف متعدد ڈراموں میں کامیاب اداکاری کی بلکہ اے آر وائی ڈیجیٹل میں حالیہ ان کا ڈرامہ ’کیسا ہے نصیباں‘ میں مداحوں کی جانب سے ان کی کارکردگی کو خوب سراہا گیا، ڈرامے میں اداکارہ کے ساتھ منیب بٹ نے منفی کردار ادا کیا تھا۔
ڈراموں کے لیے رمشا نے 2017 میں ایک فلم ’تھوڑا جی لے‘ میں مرکزی کردار ادا کیا تھا۔
رمشا خان کا نئی آنے والی فلم ’سپر اسٹار‘ ہے جو عید الاضحیٰ پر بڑے پردے کی زینت بنے گی، فلم میں ماہرہ خان اور بلال اشرف مرکزی کردار ادا کررہے ہیں۔
