سکھر: صوبہ سندھ کے شہر سکھر میں آندھی اور تیز بارش سے مواصلاتی نظام درہم برہم ہو گیا، طوفان سے موٹر وے بھی مختلف مقامات پر بند ہو گئی۔
تفصیلات کے مطابق سکھر شہر اور گرد و نواح میں آندھی اور بارش کے باعث مواصلاتی نظام درہم برہم ہو گیا، بارش اور آندھی کی وجہ سے سیپکو کے 50 سے زائد فیڈر ٹرپ کر گئے۔
تیز ہواؤں اور طوفان کی وجہ سے سکھر ملتان ایم 5 موٹر وے مختلف مقامات پر بند ہو گئی، تاہم موٹر وے پولیس نے شاہراہ کو بحال کر دیا ہے، پولیس کا کہنا ہے کہ موٹر وے ایم 5 سکھر سے ملتان ٹول پلازہ ٹریفک کے لیے کھول دی گئی ہے۔
- Advertisement -
پولیس کے مطابق موٹر وے پنو عاقل ٹول پلازہ، اقبال آباد ٹول پلازہ، روہڑی ٹول پلازہ، گھوٹکی ٹول پلازہ ٹریفک کے لیے بحال ہے، پولیس نے وضاحت جاری کی ہے کہ موٹر وے کو تیز ہواؤں کی وجہ سے چھوٹی گاڑیوں کے لیے بند کیا گیا تھا۔
