کیپ ٹائون: جنوبی افریقہ میں نسل پرستی کے خلاف طویل جدوجہد کرنے والی بین الاقوامی شہرت یافتہ سیاسی و سماجی کارکن ونی منڈیلا انتقال کر گئیں.
تفصیلات کے مطابق جنوبی افریقہ کے سابق صدر نیلسن منڈیلا کی اہلیہ ونی منڈیلا کا انتقال ہوگیا، ان کی عمر 81 برس تھی، ان کے اسسٹنٹ نے ان کی موت کی تصدیق کی.
وہ طویل عرصے سے علیل تھیں، سال کے آغاز میں انھیں اسپتال میں داخل کروایا گیا، مگر علاج کے باوجود ان کی طبعیت نہیں سنبھل سکی.
ان کا پورا نام ونی ودکیزیلا منڈیلا تھا، وہ 1936 میں ایسٹرن کیپ میں پیدا ہوئیں، 1950 کی دہائی میں ان کی ملاقات نیلسن منڈیلا سے ہوئی.
اس زمانے میں نیلسن منڈیلا ایک سماجی کارکن کے طور پر کام کر رہے تھے، انھوں نے اپنے شوہر کے ساتھ نسل پرستی کے خلاف طویل جدوجہد کی.
ان کی اور نیلسن منڈیلا کی شادی 38 برس قائم رہی، جس کا بڑا عشرہ نیلسن منڈیلا نے جیل میں گزارا. طلاق کے بعد بھی انھوں نے اپنے نام کے ساتھ منڈیلا کا استعمال ترک نہیں کیا.
انھیں جنوبی افریقہ میں آزادی اور حقوق انسانی کی علم بردار کے طور پر دیکھا جاتا تھا، البتہ بعد کے برسوں میں ان پر سیاسی الزامات عائد کیے گئے اور قانونی معاملات کا سامنا کرنا پڑا.
نیلسن منڈیلا کی چوتھی برسی پر خراج تحسین
نیلسن منڈیلا کا دن: زندگی بدل دینے والے اقوال
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
