لاہور : راک اسٹار علی ظفر پر ہراساں کرنے کا جھوٹا الزام لگانے والی خاتون نے معافی مانگ لی ، صوفی نے گزشتہ برس میشاشفیع کےالزامات کے بعد علی ظفر پر ہراساں کرنے کا الزام لگایا تھا۔
تفصیلات کے مطابق راک اسٹار علی ظفر پرلگےالزام جھوٹے ثابت ہونے لگے، ہراساں کرنے کا الزام لگانے والی خاتون صوفی نے غلطی کا اعتراف کرتے ہوئے علی ظفر سے معافی مانگ لی۔
صوفی نے ٹویٹر اکاونٹ پر پیغام جاری کرتے ہوئے اس جھوٹے الزام کے پیچھے چھپی پوری کہانی بیان کی اور کہا ایک لڑکی کے گمراہ کرنے پر علی ظفر پر جھوٹا الزام لگایا،غلطی مان کرمعافی مانگ رہی ہوں ، معافی بہت پہلے مانگنا چاہتی تھی لیکن سوشل میڈیا پر تنقید سے ڈرتی تھی۔
علی ظفر نے جواب میں صوفی کی ہمت اوربہادری کوسراہا اور معذرت قبول کرکےدعا دیتے ہوئے پیغام میں لکھا بہادری سےغلطی تسلیم کرنے پروہ ہمیشہ یاد رہیں گی۔
Dear Sofi. It requires courage to accept your mistake and bravery to apologise publically. You are courageous and brave and that is how you should always be remembered. I wish you nothing but the best of health and happiness in life. God bless. https://t.co/YvHFumccfb
— Ali Zafar (@AliZafarsays) September 23, 2019
خیال رہے صوفی نے گزشتہ برس میشاشفیع کے الزامات چند گھنٹے بعد ہی علی ظفر پر امریکہ میں ایک خاتون کو ہراساں کرنے کا الزام عائد کیا تھا، اس الزام کی تردید اس وقت شوکت خانم کی نمائندہ نے کی تھی جو کہ علی کے ساتھ امریکہ میں ہسپتال کے اس فنڈ ریڈنگ تقریب میں موجود تھیں۔
اس تردید کے بعد صوفی نے اپنا ٹویٹر اکاونٹ ڈی ایکٹویٹ کر دیا تھا اور گزشتہ روز صوفی نے اپنا ٹویٹڑ اکاونٹ دوبارہ بحال کر کے علی ظفر سے معافی مانگی۔