اوکاڑہ: پنجاب کے شہر اوکاڑہ میں ڈکیتی کے دوران خوف سے ایک خاتون حرکت قلب بند ہونے کی وجہ سے انتقال کر گئیں۔
تفصیلات کے مطابق اوکاڑہ کے علاقے جبوکہ روڈ، بستی مول گھر میں ڈکیتی کی ایک واردات کے دوران خوف سے خاتون جاں بحق ہو گئی، ڈکیتوں کے فرار کے بعد گھر والوں نے خاتون کو دیکھا تو وہ جاں بحق ہو چکی تھی۔
اہل خانہ کے مطابق ڈکیت گھر سے زیورات اور 9 لاکھ نقدی لوٹ کر فرار ہوئے، مقتولہ کی شناخت نواب بی بی کے نام سے ہوئی ہے۔
- Advertisement -
ایک ہی خاندان کے 4 افراد کا لرزہ خیز قتل
ورثا نے مقتولہ کی لاش اسپتال کے باہر رکھ کر شدید احتجاج کیا، پولیس نے اہل خانہ کے احتجاج کے بعد نامعلوم ملزمان کے خلاف اقدام قتل کا مقدمہ درج کر لیا۔
