The news is by your side.

Advertisement

عورت کے بھیس میں جیل سے فرار ہونے والا قیدی پکڑا گیا

ہونڈوراس : عورت کا روپ دھار کر جیل سے فرار ہونے کی کوششش کرنے والا قاتل دھر لیا گیا، قیدی نے لمبی اسکرٹ، سہنرے بالوں کی وِگ، کالا چشمہ اور نقلی پستان لگا کر جیل سے بھاگنے کی کوشش کی۔

برطانوی نشریاتی ادارے بی بی سی کے مطابق ہونڈوراس میں ایک سزا یافتہ قاتل نے ایک عورت کا بھیس بدل کر جیل سے بھاگنے کی کوشش کی، عورت کا بھیس بدلتے ہوئے اس نے چہرے پر لالی اور ناخنوں پر گلابی رنگ کی پالش تک لگائی تھی۔ تاہم وہ پکڑا گیا اور اسے اب سخت سزا کا سامنا ہے۔

پچپن سالہ فرانسِسکو ہیریرا آرگیئٹہ نے ایک لمبی اسکرٹ، سہنرے رنگ کے بالوں کی وِگ، کالا چشمہ اور نقلی پستان لگا کر جیل سے بھاگنے کی کوشش کی۔ قیدی نے ان لوگوں کے ساتھ چلتے چلتے باہر جانے کی کوشش کی جو جیل میں قید اپنے پیاروں سے ملنے آئے تھے۔

 اس کے چلنے کے الگ انداز سے پہرےداروں کو شک ہوا۔ پوچھ گچھ کی گئی تو یہ بھی سامنے آیا کہ اس کی آواز مردوں والی تھی۔

واضح رہے کہ آرگیئٹہ ایک گینگ کا لیڈر ہے اور وہ ڈان چیکو کے نام سے بھی جانا جاتا ہے۔ اسے ستمبر دو ہزار پندرہ میں قتل اور ہتھیاروں کے غیر قانونی استعمال کے لیے جیل ہوئی تھی۔ تاہم اب جیل سے بھاگنے کی کوشش کے لیے مزید سزا کا سامنا ہے۔

Print Friendly, PDF & Email

Comments

comments

یہ بھی پڑھیں