دوحہ: قطر کی سڑکوں پر فٹبال کھیلنے میں اپنی صلاحیتوں کے جوہر دکھانے والی باحجاب لڑکی سوشل میڈیا پر چھا گئی۔
قطر میں جاری فیفا ورلڈ کپ 2022 میں کھلاڑی اسٹیڈیم جبکہ مداح سڑکوں پر مہارت دکھا کر خوب داد سمیٹ رہے ہیں۔
اسی طرح ایک باحجاب میمی اصغری نامی لڑکی فٹبال جگلنگ اور مہارت دیکھنے والوں کو رُکنے پر مجبور کر دیتی ہے۔
میمی اصغری کا انسٹا گرام اکاؤنٹ فٹبال سے متعلق پوسٹوں سے بھرا ہوا ہے۔ وہ روزانہ فٹبال سے کھیلتے ہوئے تصاویر اور ویڈیوز شیئر کرتی ہیں۔
View this post on Instagram
چونکہ قطر میں فیفا ورلڈ کپ کے مقابلے جاری ہیں تو میمی اصغری نے اس موقع کا بھرپور فائدہ اٹھاتے ہوئے فٹبال شائقین کو اپنی صلاحیتوں سے محظوظ کیا۔
ان کی ایک فٹبال شائق کے ساتھ ویڈیو خوب وائرل ہو رہی ہے جس میں دونوں فٹبال کے ساتھ کھیل رہے ہیں۔ سوشل میڈیا پر اس ویڈیو کو اب تک 13 ملین سے زائد بار دیکھا گیا۔
View this post on Instagram
دراصل میمی اصغری خود بھی ایک ایتھلیٹ ہیں۔
انہوں نے اپنی ایک ویڈیو پر لکھا کہ میں نے سال 2010 میں رونالڈینیو کو ٹی وی پر فٹبال کھیلتے ہوئے دیکھا اور آج 12 سالوں بعد مجھے قطر میں اپنی صلاحیتوں کی وجہ سے بلایا گیا ہے۔
View this post on Instagram
