ریو ڈی جنیرو: برازیل میں کالے جادو کیلئے خاتون کی قبر سے اس کا سر نکال لیا گیا۔
رپورٹ کے مطابق برازیل میں ایک ہولناک واقعہ پیش آیا جہاں ایک خاتون کی قبر سے ان کا سر نکال لیا گیا جسے جادو یا دیگر سفلی مقاصد میں استعمال کرنے کا خدشہ ظاہر کیا گیا ہے۔
اگست 2022 میں ایک نوجوان خاتون ’سبرینا ٹیورس ڈی المیڈا‘ کو فائرنگ کے بعد قتل کردیا گیا تھا اور اب حال ہی میں معلوم ہوا کہ ان کی قبر کھودی گئی ہے۔
بھارت: کالے جادو اور سفلی کی طاقت کا نشہ، شوہر نے بیوی کو ذبح کردیا
برازیل کے ریوڈی جنیرو کی انتظامیہ نے فوری طور پر پولیس کو اطلاع کرکے تفتیش شروع کردی، اب پولیس مجرم کی تلاش میں ہے تاکہ اس ہول ناک جرم کی تہہ تک پہنچا جاسکے۔
پولیس کے مطابق سر نکالنے کے لیے پتھر کی سلیب ہٹائی گئی اور لکڑی کا تابوت توڑا گیا، اس کے بعد اندر موجود جسدِ خاکی سے سر غائب کردیا گیا۔
قبر کے پاس موجود بعض شواہد سے معلوم ہوا ہے کہ لاش کے سر کو کالا جادو کے مقصد کے لیے چرایا گیا ہے کیوں کہ قبرکے پاس ایک پیالہ ملا ہے جس میں جلی ہوئی اشیا اور کچھ راکھ بھی ملی ہے۔
