بھارت میں خواتین انتہائی غیر محفوظ ہوگئیں، جنسی زیادتی کے بڑھتے ہوئے واقعات خواتین کے لئے خوف کی علامت بن چکے ہیں۔ ایک اور واقعے میں کچرہ چننے والی خاتون کو زیادتی کے بعد قتل کردیا گیا۔
غیر ملکی ذرائع ابلاغ کے مطابق کچرہ چننے والی خاتون کا اجتماعی عصمت ریزی کے بعد قتل کیا گیا۔ افسوسناک واقعہ کوکٹ پلی پولیس اسٹیشن کے حدود میں اتوار کی صبح پیش آیا۔
رپورٹ کے مطابق موسی پیٹ جنکشن کے نزدیک اتوار کے صبح سیلار میں ایک دکان کے شٹر کے سامنے 45 سالہ خاتون کی نعش پڑی ہوئی ملی، پولیس مذکورہ مقام پر پہنچی تو اسے خاتون کے ساتھ جنسی زیادتی کا شک ہوا۔
پولیس نے سی سی ٹی وی فوٹیج کا جائزہ لیا تو معلوم ہوا کہ دو نوجوانوں نے خاتون کو گلی میں لے جا کر اس سے کچھ دیر بات کی، اس کے بعد خاتون کو زبردستی سیلار میں لے جا کر جنسی زیادتی کا نشانہ بنا دیا۔
بعد ازاں دونوں ملزمان موٹر سائیکل پر وہاں سے کوکٹ پر لے کی طرف فرار ہوگئے۔
شادی سے واپسی پر خوفناک ٹریفک حادثہ، نو افراد ہلاک
پولیس کا کہنا ہے کہ اجتماعی زیادتی کے بعد خاتون کو قتل کیا گیا، معاملے کا مقدمہ درج کرکے تحقیقات شروع کردی گئیں ہیں۔
