تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

زمان پارک کے باہر موجود کارکنوں نے پولیس کو اندر جانے سے روک دیا

عمران خان کی ممکنہ گرفتاری کے لیے آنے والی پولیس ٹیم کو زمان پارک کے باہر موجود کارکنوں نے اندر جانے سے روک دیا ہے۔

اے آر وائی نیوز کے مطابق پاکستان تحریک انصاف کے چیئرمین عمران خان کی ممکنہ گرفتاری کے لیے آنے والے اسلام آباد کی پولیس ٹیم کو زمان پارک کے باہر کارکنوں کی جانب سے شدید ردعمل کا سامنا کرنا پڑا ہے اور کپتان کے کھلاڑیوں نے پولیس کو اندر جانے سے روک دیا ہے۔

آنے والی پولیس ٹیم کو باہر لگے کیمپ میں محصور کردیا گیا ہے۔ پنجاب پولیس اہلکار ان کی سیکیورٹی کے لیے تعینات ہوگئی ہے جب کہ اطلاعات کے مطابق پنجاب پولیس کی مزید نفری منگوائی جا رہی ہے۔

ڈنڈا بردار خواتین و مرد کارکنان پولیس کے سامنے سیسہ پلائی دیوار بنے کھڑے ہیں اور کارکنوں کی تعداد میں مزید اضافہ ہوتا جا رہا ہے۔ کارکنوں کا کہنا ہے کہ عمران خان ہماری ریڈ لائن ہیں.

یہ بھی پڑھیں: عمران خان کی گرفتاری کیلیے پولیس زمان پارک پہنچ گئی

کارکنوں نے پولیس ٹیم سے کہا ہے کہ اگر صرف وارنٹ وصول کرانے ہیں تو ہمیں دے دیں وہ ہم اندر پہنچا دیں گے لیکن ایس پی کا کہنا ہے کہ وہ ذاتی طور پر وارنٹ وصول کرائیں گے۔

Comments

- Advertisement -