قومی کرکٹ ٹیم آئی سی سی ورلڈکپ میں شرکت کیلئے بھارت پہنچ چکی ہے، ایئرپورٹ پر قومی ٹیم کا شاندار استقبال کیا گیا، تاہم اب قومی ٹیم کے اہم کھلاڑیوں کے بیانات سامنے آئے ہیں۔
کپتان بابراعظم، فاسٹ بولر شاہین شاہ آفریدی اور وکٹ کیپر بیٹر محمد رضوان نے فوٹو اَپ لوڈنگ ایپ انسٹاگرام پر اسٹوری شیئر کرتے ہوئے اپنے اپنے تاثرات پیش کئے۔
قومی کرکٹ ٹیم کے کپتان بابر اعظم کا کہنا تھا کہ حیدرآباد میں بھارتی شائقین کرکٹ نے زبردست استقبال کیا، سفر محبت اور حمایت سے ملغوب رہا۔
قومی ٹیم کے فاسٹ بولر شاہین شاہ آفریدی کا انسٹا اسٹوری میں کہنا تھا کہ وہ بھارتی شہر حیدرآباد پہنچ گئے ہیں، یہاں شاندار استقبال ہوا ہے ابھی تک۔
پاکستانی ٹیم کے وکٹ کیپر بلے باز محمد رضوان کا کہنا تھا کہ یہاں کے لوگوں نے شاندار استقبال کیا، سب کچھ انتہائی ہموار تھا تاہم اگلے ڈیڑھ ماہ بھی اسی کے منتظر رہیں گے۔
دوسری جانب قومی ٹیم کے کھلاڑیوں کی جانب سے حیدرآباد کے راجیو گاندھی اسٹیڈیم میں ورلڈکپ کی تیاریاں شروع کردی گئی ہیں۔
ٹریننگ سیشن میں بابر اعظم، شاہین آفریدی، حسن علی، حارث رؤف، افتخار احمد، سلمان علی آغا، فخر زمان، محمد وسیم جونیئر، محمد حارث اور زمان خان شریک ہوئے۔
