ورلڈ کپ میں نیدر لینڈ نے دوسرا اپ سیٹ کرتے ہوئے بنگلہ دیش کو شکست دی تو بنگال کا ایک مداح جذباتی ہوگیا اور اپنے چہرے پر جوتا مار لیا۔
بھارت میں آئی سی سی ون ڈے ورلڈ کپ 2023 سنسنی خیز مقابلوں کے ساتھ جاری ہے جہاں چھوٹی ٹیمیں اپ سیٹ کر کے دنیائے کرکٹ کو حیران کر رہی ہیں۔ میگا ایونٹ میں سب سے کمزور سمجھی جانے والی ٹیم نے پہلے ٹورنامنٹ کی مضبوط ٹیموں میں سے ایک جنوبی افریقہ کو شکست دی اور گزشتہ روز 229 کے معمولی رنز کا دفاع کرتے ہوئے بنگلہ دیش کے خلاف 87 رنز کی قابل رشک فتح سمیٹی۔
اس غیر متوقع کولکتہ کے ایڈن گارڈن اسٹیڈیم میں میچ دیکھنے کے لیے موجود بنگال شائقین کرکٹ انتہائی جذباتی نظر آئے تاہم ایک مداح نے تو اس شکست سے دلبرداشتہ ہوکر اپنا سر اپنے ہی جوتے سے پیٹ ڈالا۔
میچ کے بعد سماجی رابطوں کی ویب سائٹ ایکس پر ایک ویڈیو تیزی سے وائرل ہو رہی ہے اور لاکھوں صارفین اس کو دلچسپی سے دیکھ چکے ہیں جب کہ تبصروں کا سلسلہ بھی جاری ہے۔
This Is Really Really Sad
Bangladesh Fans Lost Cool At Eden After Shameful Performance .
Slap Themselves With Shoe. Some Are Saying ” We Dont Mind Loosing To Big Teams. But How Can U Lose To Netherlands? Shakib, Mushfiq And All Should Be Sl*** Shoes. On Behalf Im… pic.twitter.com/RZLGLaWqiK
— বাংলার ছেলে (@iSoumikSaheb) October 28, 2023
ویڈیو میں دیکھا جا سکتا ہے کہ نیدر لینڈ سے شرمناک شکست کے بعد بنگال ٹائیگرز کے ایک مداح نے اپنی ٹیم کو سخت برا بھلا کہا اور پھر اپنا جوتا اتار کر اپنے چہرے پر ہی مارنے لگا جس سے اس کی شدید مایوسی کا اظہار ہوا۔
واضح رہے کہ یہ بنگلہ دیش کی میگا ایونٹ میں کھیلے گئے 6 میچوں میں پانچویں شکست تھی جس کے بعد وہ ورلڈ کپ کی دوڑ سے باہر ہوگئی ہے۔
