ایران، بھارت اور بنگلا دیش، برطانیہ، کینیڈا، اور امریکا میں بھی آج عید الاضحیٰ منائی جا رہی ہے۔
تفصیلات کے مطابق پاکستان سمیت ایران، بھارت، بنگلا دیش، برطانیہ، کینیڈا اور امریکا میں آج عید الاضحیٰ منائی جا رہی ہے، نئی دہلی سمیت دیگر شہروں میں عید کے اجتماعات ہوئے، جب کہ مشرق وسطیٰ سمیت دیگر ممالک میں عید کا دوسرا روز ہے۔
بھارت کے مختلف شہروں میں نماز عید کے بڑے بڑے اجتماعات ہوئے، نماز کے بعد سنت ابراہیمیؑ کی پیروی کرتے ہوئے جانوروں کی قربانی کا سلسلہ جاری ہے، ایران کے دارالحکومت تہران اور بنگلا دیش میں بھی عید کے اجتماعات ہوئے۔
May this Eid al-Adha bring joy, peace, and unity to the hearts and homes of Muslims across America on this great holiday.
Eid Mubarak! pic.twitter.com/jnhgviRZvs
— President Biden (@POTUS) June 28, 2023
عالمی رہنماؤں نے عیدالاضحیٰ پر مبارک باد کے پیغامات جاری کیے اور نیک تمناؤں کا اظہار کیا، یو این سیکریٹری جنرل انتونیو گوتریس، امریکی صدر بائیڈن، کینیڈین وزیر اعظم جسٹن ٹروڈو نے مسلمانوں کو عید کی مبارک باد دی، واضح رہے کہ برطانیہ، کینیڈا اور امریکا میں بھی مسلم کمیونٹی آج عید منا رہی ہے جب کہ کئی علاقوں میں گزشتہ روز بھی عید منائی گئی۔
آج ملک بھر میں عیدالاضحیٰ مذہبی جوش و جذبے سے منائی جا رہی ہے
گزشتہ روز متحدہ عرب امارات، بحرین، کویت، ترکی، انڈونیشیا اور دیگر ممالک میں بھی نمازِ عید کے اجتماعات ہوئے، ابوظبی میں عید پر شان دار آتش بازی سے آسمان جگمگا اٹھا۔
