اکثر لوگ ہمیشہ اپنی پسند اور شوق کو پورا کرنے میں بےحد دلچسپی رکھتے ہیں، چاہے وہ شوق گاڑیوں، جانوروں، پرانی اشیاء یا دیگر چیزوں کا ہو۔
اسی طرح کچھ لوگ نئی اور جدید گاڑیوں کا دیوانگی کی حد تک شوق رکھتے ہیں حالانکہ یہ شوق ہر کسی کے بس کی بات نہیں صرف امیر ترین لوگ ہی اسے پورا کرسکتے ہیں۔
دنیا میں کار کی سواری کرنا کسے پسند نہیں ہوگا، ہر کوئی چاہتا ہے کہ اس کے پاس اپنی ایک بہترین کار ہو ، جس میں وہ اپنے خاندان کے ساتھ گھومنے جائے۔
جی ہاں آج ہم آپ کو ایک ایسی ہی خوابوں کی کار لموزین کے بارے میں بتا رہے ہیں جو کہ دنیا کی سب سے لمبی کار ہے، اس کار کا نام امریکن ڈریم ہے۔
اسے 90 کی دہائی میں امریکی کار ڈیزائنر نے آربگ نے ڈیزائن کیا تھا، یہ کار گنیز بک آف ورلڈ ریکارڈ میں اپنا نام درج کرا چکی اس کار میں اتنی سہولیات ہیں جتنی کسی لگژری ہوٹل میں ہوتی ہے۔
گنیز ورلڈ ریکارڈ نے کہا کہ امریکن ڈریم کے نام سے مشہور سپر لیموزین اصل میں 1986 میں کار کسٹمائزر جے اوہربرگ نے بنائی تھی اور اس کی لمبائی 60 فٹ تھی۔
اوہربرگ نے بعد میں اس گاڑی کو60 سے بڑھا کر سو فٹ لمبا کرکے ایک بار پھر سب سے لمبی کار کا گنیز ورلڈ ریکارڈ اپنے نام کرلیا۔
ناساؤ کاؤنٹی میں آٹوزیم ٹیکنیکل ٹیچنگ میوزیم کے مالک مائیکل میننگ نے بتایا کہ نیوجرسی کے ایک گودام میں کافی عرصے سے کھڑی گاڑی کو متعدد فلموں میں استعمال کیا گیا۔ اس دوران اس کو کئی مقامات پر زنگ لگ گیا تھا اس کے بہت سے پرزے بھی محفوظ نہیں تھے۔
انہوں نے بتایا کہ میں نے امریکن ڈریم کو بحال کرنے کا فیصلہ کیا اور اس کیئ نئے سرے سے اس کی تزئین و آرائش کا منصوبہ بنایا جس کے بعد امریکن ڈریم کی لمبائی سو فٹ کرکے اس میں ایک ہیلی پیڈ، ایک سوئمنگ پول، ایک ہاٹ ٹب، پوٹنگ گرین اور ایک بڑا واٹر بیڈ شامل کیا گیا۔
