دبئی : دبئی کے بعد اب راس الخیمہ میں بھی میں دنیا کی طویل ترین زپ لائن کا افتتاح کردیا گیا اور ایڈونچر کا لطف اٹھانے والے دھڑا دھڑ زپ لائن کا رخ کررہے ہیں۔
تفصیلات کے مطابق متحدہ عرب امارات میں آئے روز نت نئے ورلڈ ریکارڈز بننے کا سلسلہ جاری ہے، متحدہ عرب امارات کے اہم علاقے راس الخیمہ میں زِپ لائن جبلِ جیس کی وادی میں بنائی گئی ہے، جسکو عام افراد کے لیے کھول دیا گیا۔
دنیا کی لمبی ترین "زِپ لائن ” تقریباً تین کلومیٹر طویل اور سولہ سو اسی میٹر کی بلندی پر واقع ہے اور تقریباً اٹھائیس فٹبال گراؤنڈ جتنا لمبی ہے جبکہ اس زپ لائن پر ایک سو پچاس کلومیٹر فی گھنٹہ کی رفتار سے کسی پرندے کی طرح ہواؤں میں اْڑا جاسکتا ہے۔
ایڈونچر کے دیوانے بڑی تعداد میں زپ لائن کے سفر سے لطف اندوز ہونے کے لیے راس الخیمہ کا رخ کررہے ہیں۔
دنیا کی سب سے بڑی ”زپ لائن” راس الخیمہ کا نام گنیز بک آف ورلڈ ریکارڈ میں شامل کر لیا گیا ہے۔
بشکریہ اے ایف پی
