شوبز انڈسٹری کی معروف اداکارہ یشما گل نے اسپتال سے تصویر شیئر کی جس پر مداح ان کی خیریت دریافت کررہے ہیں۔
فوٹو اور ویڈیو شیئرنگ ایپ انسٹاگرام اسٹوریز میں اداکارہ یشما گل نے اسپتال کے بستر سے تصاویر شیئر کیں اور مداحوں کو اپنی خیریت کی اطلاع دی۔
اداکارہ نے بتایا کہ ان کی مختصر سرجری ہے، اس کے ساتھ ہی انہوں نے دعاؤں کی اپیل بھی کی۔
بعدازاں یشما گل نے ایک اور اسٹوری شیئر کرتے ہوئے اپنی خیریت کی اطلاع دی اور بتایا کہ ان کی سرجری کامیاب رہی اور وہ اب صحت یاب ہیں۔
انہوں نے یہ نہیں بتایا کہ انہیں کیا ہوا تھا اور کس وجہ سے انہیں سرجری کروانی پڑی۔
اس سے قبل ایک انٹرویو میں یشما گل نے اپنی ذہنی صحت کے حوالے سے بات کرتے ہوئے کہا تھا کہ آج کل کے دور میں عمر سے زیادہ ذمہ داریاں ڈال دی جاتی ہیں، جس کی وجہ سے دماغی صحت پر بوجھ پڑتا ہے۔
ان کا کہنا تھا کہ جب مجھے ڈپریشن تھا ان دنوں میں اس حوالے سے انٹرنیٹ پر ریسرچ کرتی تھی، اس وقت مجھے لگتا تھا کہ شاید مجھ پر کسی نے جادو کردیا ہے، نظر ہے یا مجھ پر جن آگیا ہے، میں نے علاج کے لیے ہر نسخہ آزمایا۔
یشما گل کا کہنا تھا کہ میں 20 سال کی عمر میں ڈپریشن کی وجہ سے خودکشی کرنا چاہتی تھی۔
