سال 2023 میں دنیا بھر سے آنے والے 28 کروڑ سے زیادہ مسلمانوں نے مسجد نبویﷺ میں حاضر ہونے کا شرف حاصل کیا۔
مسجد نبوی کی انتظامیہ نے زائرین کی تفصیل بتاتے ہوئے کہا کہ سال 2023 کے دوران 280 ملین سے زیادہ زائرین نے مختلف سہولتوں سے فائدہ اٹھایا اور روحانی ماحول میں مسجد نبویﷺ میں حاضری دی۔
سعودی حکام کی جانب سے حرمین شریفین میں زائرین کے لیے سہولتوں میں اضافے اور گنجائش بڑھانے کا عمل ہمیشہ جاری رہتا ہے۔
دنیا کے مختلف ملکوں سے مکہ اور مدینہ آنے والے زائرین کی تعداد میں اضافے کا سلسلہ بھی جاری ہے جبکہ حکام انھیں ہرممکن سہولیات مہیا کرنے کے لیے کوشاں ہیں۔
سرکاری خبررساں ایجنسی ایس پی اے کے مطابق مسجد نبوی انتظامیہ کا کہنا ہے کہ نمازیوں کی آسانی کے لیے معیاری خدمات کی فراہمی جاری ہے۔
حکام کی جانب سے زائرین کی آسانی اور انھیں جملہ وسائل مہیا کرنے کی کوشش متواتر ہوتی ہے تاکہ زائرین اطمینان و سکون کے ساتھ عبادت کریں۔
