The news is by your side.

Advertisement

’ساری لڑکیاں ایک جیسی ہوتی ہیں‘

اے آر وائی ڈیجیٹل پر ڈرامہ سیریل ’یہ نہ تھی ہماری قسمت‘ کی گزشتہ روز پانچویں قسط نشر کی گئی جس کا ایک سین مداحوں کو بھا گیا۔

ڈرامہ سیریل یہ نہ تھی ہماری قسمت کو سگ سگما پلس کے بینر تلے بنایا گیا ہے اس کی ہدایت کاری کے فرائض سید علی رضا اسامہ نے انجام دئیے ہیں جبکہ اس کی لکھاری سیما مناف ہیں۔

ڈرامے میں حرا مانی (منتہا)، منیب بٹ (ایان)، عائزہ اعوان (علیشبہ) اور نور الحسن (یاسر) کا کردار نبھا رہے ہیں، ڈرامے کی کہانی میں کزن کے درمیان ہونے والی شادی کے بعد تعلقات میں اتار چڑھاؤ کو دکھایا گیا ہے۔

گزشتہ قسطوں میں دکھایا گیا کہ ایک حادثے کی وجہ سے یاسر کی شادی منتہا سے ہونے کی بجائے کزن ایان سے ہوجاتی ہے جبکہ علیشبہ کی شادی یاسر کے ساتھ کردی جاتی ہے۔

ایان گزشتہ قسط میں کہہ رہے ہیں کہ صحیح کیا میں نے اس کو (منتہا) کو نوکری کرنے سے منع کردیا، اگر یہ جاب پر جاتی تو میری تو عزت گئی تھی پیسے کماتی تھی بلا وجہ کا رعب جھاڑتی۔

ایان کہتے ہیں کہ نوکری کرنے کے بعد پیسے کا گھمنڈ دکھاتی ہیں اور کہتی کہ آپ تو کچھ کرتے نہیں ہیں پیسے تو میں کما کر لاتی ہوں، ہاں ٹھیک ہے نہ بھئی کون سا میرے لیے کما کر لاتیں میرے ہاتھ پر تھوڑی رکھتیں۔

وہ مزید کہتے ہیں کہ یہ ساری لڑکیاں ایک جیسی ہوتی ہیں، جو لڑکی گھر سے باہر نکل کر کام کرتی ہے وہ بلا وجہ کا میاں (شوہر) پر رعب جھاڑتی ہے، بہت اچھا فیصلہ کیا ہے میں نے بالکل ٹھیک کیا ہے۔

ڈرامے میں مزید کیا ہونے جارہا ہے؟ یہ سب جاننے کے لیے ڈرامہ سیریل ’یہ نہ تھی ہماری قسمت‘ پیر سے جمعرات رات 9 بجے دیکھنا نہ بھولیں۔

Comments

یہ بھی پڑھیں