بھارتی ٹیم کے جارح مزاج آل راؤنڈر ہاردک پانڈیا کا کہنا ہے کہ ہمیشہ دھونی کا شیدائی رہا ہوں اور ان سے نفرت کرنے کے لیے کسی کو ایک شیطان بننے کی ضرورت ہے۔
انڈین پریمیئر لیگ میں آج ہاردک کی کپتانی میں گجرات ٹائٹنز کی ٹیم پہلے پلے آف میں مہندر سنگھ دھونی کی چنئی سپر کنگز سے ٹکرائے گی، میچ سے قبل پانڈیا نے دھونی کی تعریفوں کے پل باندھ دیے۔
ہاردک پانڈٰیا کا کہنا ہے کہ بہت سے لوگ سوچتے ہیں کہ ماہی سنجیدہ ہیں لیکن میرے لیے وہ الگ ہیں میں مذاق کرتا ہوں اور میں انہیں مہندر سنگھ دھونی کی شکل میں نہیں دیکھتا۔
انہوں نے کہا کہ میں نے دھونی سے بہت چیزیں سیکھی ہیں مثلا زیادہ بات نہیں کرنا، وہ میرے لییے پیارے دوست اور بھائی ہیں جن کے ساتھ میں مذاق کرسکتا ہوں، میں ان کا ہمیشہ شیدائی رہوں گا۔
Captain. Leader. Legend.@msdhoni is an emotion 💙 Here’s a special tribute from @hardikpandya7 to the one and only Thala ahead of a special matchday in Chennai! 🤝#GTvCSK | #PhariAavaDe | #TATAIPL Playoffs 2023 pic.twitter.com/xkrJETARbJ
— Gujarat Titans (@gujarat_titans) May 23, 2023
واضح رہے کہ ہاردک پانڈیا کی قیادت میں گجرات کی ٹیم گروپ مراحل میں 14 میں سے 10 میچز جیت کر پوائنٹس ٹیبل پر سرفہرست رہی ہے، دھونی کی ٹیم نے 14 میں سے 8 میچز میں کامیابی حاصل کی۔
دونوں ٹیمیں اب تک تین بار مدمقابل آئیں اور تینوں ہی میں گجرات نے کامیابی حاصل کی۔
