The news is by your side.

قرض خواہوں سے تنگ آکر نوجوان نے خودکشی کرلی

بھارت کے شہر حیدرآباد دکن میں مسلم نوجوان نے قرض خواہوں کے قرض واپس کرنے کے تقاضوں سے تنگ آکر خودکشی کرلی۔

بھارتی میڈیا رپورٹ کے مطابق بھارت کی ریاست تلنگانہ کے شہر حیدرآباد میں 31 سالہ مسلم نوجوان نظام الدین نے قرض خواہوں سے تنگ آکر خودکشی کرلی۔

خودکشی کرنے سے قبل نوجوان نے ایک ویڈیو بنائی جس میں اس نے بتایا کہ وہ بہت لوگوں کا مقروض ہوچکا ہے اور اب قرض ادا کرنے کے لیے اس کے پاس پیسے نہیں ہیں۔

ویڈیو میں نوجوان نے مزید کہا کہ میرے پاس کوئی دوسرا راستہ نہیں اس لیے میں خودکشی کرنے پر مجبور ہوں۔

نظام الدین کا کہنا تھا کہ میں نے کچھ بینکوں سے کچھ قرض لیا تھا۔ لیکن اب میں بینک کی قسطیں جمع نہیں کرواسکتا، مجھ پر بینک والوں کا دباؤ بھی ہے جس کی وجہ سے میں خودکشی کرنے پر مجبور ہوں۔

ویڈیو میں دیکھا جاسکتا ہے کہ نوجوان نے اپنے بیوی، بچے اور ماں باپ سے معافی بھی مانگی۔

Comments

یہ بھی پڑھیں