لاہور: پاکستانی ڈرامہ انڈسٹری کی معروف اداکارہ زارا ترین اور پاکستانی نژاد امریکی اداکار فاران طاہر رشتہ ازدواج میں منسلک ہوگئے۔
پاکستانی اداکارہ و ماڈل زارا ترین اور پاکستانی نژاد امریکی اداکار فاران طاہر لاہور میں شادی کے بندھن مین بندھ گئے جس کی تصاویر سوشل میڈیا پر وائرل ہورہی ہیں۔
زارا نے شادی کے موقع پر سرخ رنگ کا عروسی لباس زیب تن کیا جبکہ فاران طاہر نے سیاہ رنگ کی شیروانی پہنی۔
View this post on Instagram
اداکارہ زارا ترین نے انسٹاگرام پر شادی کی تصویر شیئر کی اور لکھا کہ ’یہ میری زندگی کا بہترین لمحہ ہے۔‘
مداحوں اور ساتھی فنکاروں کی جانب سے زارا اور فاران کو شادی کی مبارک باد دی جارہی ہیں۔
View this post on Instagram
واضح رہے کہ گزشتہ دنوں اداکارہ زارا ترین اور فاران طاہر کی مہندی کی تقریب منعقد کی گئی تھی جس کی تصاویر اداکاری کی بہن حرا ترین نے انسٹاگرام اسٹوری میں شیئر کی تھیں۔
زارا ترین نے مہندی کی تقریب میں سبز، گولڈن اور ہلکے سرخ رنگ کے جوڑے کا انتخاب کیا جبکہ فاران طاہر نے کریم کلر کا لباس زیب تن کیا تھا۔
ایک تصویر میں دیکھا جاسکتا ہے کہ فاران طاہر نے اپنی ہونے والی اہلیہ زارا ترین کو انگوٹھی پہنا رہے ہیں۔
یاد رہے کہ فاران طاہر پاکستانی اداکار نعیم طاہر اور یاسمین طاہر کے بیٹے ہیں جو لاس اینجلس میں پیدا ہوئے، فاران طاہر نے مشہور ہالی وڈ فلم اسٹار ٹریک، اسکیپ پلان اور آئرن مین میں اداکاری کے جوہر دکھائے ہیں۔
