پاکستان کی سابقہ معروف اداکارہ زرنش خان نے سالگرہ مناتے ہوئے اپنی خوبصورت نئی ویڈیو اور تصاویر شیئر کی ہیں۔
فوٹو اینڈ شیئر نگ ایپ انسٹاگرام پر پاکستانی ڈرامہ انڈسٹری کے متعدد نامور پروجیکٹس میں اداکاری کے جوہر دکھانے والی زرنش خان نئی تصاور اور ویڈیو شیئر کی ہے جس کے خوب چرچے ہو رہے ہیں۔
زرنش خان کی نئی پوسٹ میں دیکھا جا سکتا ہے کہ وہ اپنی 30ویں سالگرہ کے کیک اور خوبصورت سجاوٹ کے ساتھ خوشگوار موڈ میں تصویروں کے لیے پوز دے رہی ہیں۔
View this post on Instagram
2021 میں مذہب کے لیے شوبز انڈسٹری کو خیر باد کہنے والی زرنش خان کی تصاویر و ویڈیو میں منفرد بات یہ ہے کہ وہ حجاب میں ہیں جنہیں دیکھ کر مداح اُن کی خوب تعریفیں کر رہے ہیں۔
View this post on Instagram
زرنش خان کی اس پوسٹ پر اُن کے مداح و معروف شخصیات اُنہیں سالگرہ کی مبارکباد بھی دے رہی ہیں۔
یاد رہے کہ 2021ء میں پاکستان شوبز انڈسٹری کی خوبرو اداکارہ زرنش خان نے عمرے کی سعادت حاصل کی تھی جس کے بعد اُنہوں نے اپنے انسٹاگرام سے اپنی تمام پرانی تصاویر ڈیلیٹ کر دی تھیں۔
زرنش خان نے عمرے کی ادائیگی کے بعد پرانی تصاویر ڈیلیٹ کردیں
انہوں نے لکھا تھا کہ ’یہاں آکر اندازہ ہوتا ہے کہ ہم کتنے بھٹکے ہوئے ہیں، کیا مقصد ہے دنیا میں آنے کا، کیا فرائض ہیں سب بھولے بیٹھے ہیں۔‘
زرنش خان کا کہنا تھا کہ ’نہ اخلاقیات، نہ انسانیت، نہ اصول، نہ احسان، نہ احساس اور نہ خیال بس سب دنیا کی دوڑ میں ہیں، کاش کہ ہم کو خاص طور پر مجھے اللہ پاک ہمیشہ کے لیے ہدایت دے دیں۔‘