شوبز انڈسٹری کی معروف اداکارہ زرنش خان نے عمرے کی سعادت حاصل کرنے کے بعد انسٹاگرام سے پرانی تصاویر ڈیلیٹ کردیں۔
اداکارہ زرنش خان نے شب معراج کے موقع پر عمرے کی سعادت حاصل کی اور اس کی اطلاع مداحوں کو انسٹا اسٹوری کے ذریعے دی۔
زرنش خان کی جانب سے اپنی ذاتی تصاویر کو بھی ہائیڈ کردیا گیا ہے اور اب اداکارہ کے انسٹاگرام اکاؤنٹ پر صرف اسلامک تصاویر موجود ہیں۔
زرنش خان نے انسٹا اسٹوری میں لکھا کہ ’اللہ پاک ہم سب کو بار بار اپنے گھر آنے کی مہلت دیں۔‘
انہوں نے لکھا کہ ’یہاں آکر اندازہ ہوتا ہے کہ ہم کتنے بھٹکے ہوئے ہیں، کیا مقصد ہے دنیا میں آنے کا، کیا فرائض ہیں سب بھولے بیٹھے ہیں۔‘
زرنش خان نے لکھا کہ ’نہ اخلاقیات، نہ انسانیت، نہ اصول، نہ احسان، نہ احساس اور نہ خیال بس سب دنیا کی دوڑ میں ہیں، کاش کہ ہم کو خاص طور پر مجھے اللہ پاک ہمیشہ کے لیے ہدایت دے دیں۔‘