چکن ایسی چیز ہے جس سے کم وقت میں مزیدار ڈشز بنائی جاسکتی ہیں، اسی لیے آج ہم آپ کو مزیدار زیرہ چکن بنانے کی ترکیب بتا رہے ہیں۔
اس کے لیے آپ کو مندرجہ ذیل اجزا کی ضرورت ہوگی۔
اجزا
چکن: 1 کلو
دہی: 1 کپ
ہرا دھنیا: حسب ذائقہ
ہری مرچ: حسب ذائقہ
زیرہ: 1 چائے کا چمچ
پیاز چوپ کر لیں: 1 عدد
لہسن ادرک کا پیسٹ: 1 کھانے کا چمچ
لال مرچیں کٹی ہوئی: 1 چائے کا چمچ
نمک: حسب ذائقہ
تیل: حسب ضرورت
ترکیب
ایک پیالے میں چکن، دہی، نمک، کٹی ہوئی لال مرچیں اور لہسن ادرک کا پیسٹ ڈال کر اچھی طرح مکس کر کے ایک گھنٹہ میری نیٹ کریں۔
سوس پین میں تیل گرم کر کے زیرہ ڈالیں، کڑ کڑا جائے تو پیاز ڈال کر فرائی کریں۔
سنہری ہو جائے تو میری نیٹڈ چکن ڈال کر فرائی کریں۔
حسب ضرورت پانی ڈال کر ڈھک کر پکائیں۔
گوشت گل جائے تو بھون لیں۔
ہرا دھنیا اور ہری مرچیں ڈال کر 2 منٹ تک مزید پکائیں۔
مزیدار زیرہ چکن تیار ہے، گرما گرم سرو کریں۔
