The news is by your side.

Advertisement

زوم ایپ استعمال کرنے والوں‌ کے لیے خبر

کیلی فورنیا: ویڈیو کانفرنسنگ کے لیے استعمال ہونے والی ایپلیکیشن زوم کی آمدنی میں چار گناہ اضافہ ریکارڈ کیا گیا ہے۔

ٹیکنالوجی پر نظر رکھنے والی ویب سائٹ کی رپورٹ کے مطابق زوم کمپنی کی جانب سے رواں سال کی تیسری سہ ماہی کی رپورٹ جاری کی گئی جس میں بتایا گیا ہےکہ کمپنی کی آمدنی میں چار گنا اضافہ ہوا۔

رپورٹ کے مطابق زوم کی مجموعی آمدنی اضافے کے بعد 777.2 ملین ڈالرز تک پہنچ گئی۔

مزید پڑھیں: زوم ایپ استعمال کرنے والے صارفین کے لیے بڑا اعلان

ایپلیکیشن کے صارفین کی بڑھتی ہوئی تعداد کو دیکھتے ہوئے تجزیہ کاروں نے آمدنی کا تخمینہ 694 ملین ڈالر لگایا تھا مگر سہ ماہی کی رپورٹ میں جو اضافہ دکھایا گیا وہ توقع سے کہی زیادہ ہے۔

ایک اور میڈیا رپورٹ میں بتایا گیا ہے کہ زوم کے سب سے زیادہ صارفین کی تعداد برطانیہ میں ہے جبکہ کچھ ماہرین کا یہ بھی ماننا ہے کہ آئندہ برس صارفین کی تعداد اورپہلے کوارٹر کی آمدنی میں 5 فیصد تک کمی بھی ہوسکتی ہے۔

 واضح رہے کہ کرونا لاک ڈاؤن کی وجہ سے دنیا کے تقریباً ہی دفاتر بند کرنے اور ملازمین کو گھروں سے کام کرنے کی ہدایت کی گئی تھی، اداروں کی انتظامیہ نے آپسی رابطوں اور دفتری اجلاسوں کا انعقاد اسی ایپ پر کیا جس کی وجہ سے صارفین کی تعداد میں اضافہ ہوا۔

Comments

یہ بھی پڑھیں