اسلام آباد: چیف آف آرمی سٹاف جنرل راحیل شریف نے وزیراعظم میاں محمد نوازشریف سے وزیراعظم ہاؤس میں ملاقات کی ہے۔
دونوں رہنماوٗں کے درمیان ہونے والی ملاقات کے دوران ملک کی مجموعی سیکیورٹی کی صورتحال سمیت دہشت گردی اورانتہاپسندی کے خاتمے کےلئے قومی لائحہ عمل پرعملدرآمد سے متعلق امورپرتبادلہ خیال ہوا۔
آرمی چیف نے وزیراعظم کو قومی ایکشن پلان پرعملدرآمد اورآپریشن ضرب عضب سے متعلق بریفنگ دی۔
آرمی چیف نے وزیراعظم کو دورۂ چین سے متعلق آگاہ کیا اور چینی صدر کی پاکستان آمد کے موضوع پر بھی بات ہوئی۔
آپریشن ضرب عضب گزشتہ برس جون میں شمالی وزیرستان اور ملحقہ علاقوں کو دہشت گردوں کے تسلط سے خالی کرانے کے لئے شروع کیا تھا۔ اب تک پاک فوج اس میں بڑی کامیابیاں حاصل کرچکی ہے اورایک ہزار سے زائد شدت پسندوں کو ٹھکانے لگایا جاچکا ہے۔
Comments
- Advertisement -
