اسلام آباد: وزیراعظم نوازشریف کی زیرصدارت یمن کی صورتحال پر اہم اجلاس ہوا،وزیراعلیٰ پنجاب شہباز شریف نےدورہ سعودی عرب سے متعلق بریفنگ دی۔
اسلام آباد میں ہونے والے اجلاس میں بتایا گیا کہ وفد نے حوثیوں کو غیرملکی امداد پر تشویش کا اظہار کیا، سعودی قیادت نے پاکستان اور سعودی عرب کے درمیان دوستانہ تعلقات کو سراہا۔
سعودی قیادت نے تیرہ اپریل کو وزیراعظم کے پالیسی بیان کی تعریف کی،وفد نے یمن میں حوثیوں کی جانب سے کئے گئے اقدامات کی مذمت بھی کی۔
اجلاس میں اقوام متحدہ کی قراردادوں کے مطابق حوثی باغیوں کو اسلحہ سپلائی روکنے کی تعریف کی گئی ۔
اجلاس کے شرکا نے یمن بحران کےپرامن حل کیلئےمثبت کرداراداکرنےپر اطمینان کا اظہارکیا اور توقع ظاہر کی کہ تمام فریق یمن مسئلہ پرسلامتی کونسل کی قراردادوں کےمطابق اختلافات ختم کرینگے۔
اجلاس میں اس عزم کا اعادہ کیا گیا کہ پاکستان سعودی عرب ہرمشکل وقت میں ساتھ کھڑےہیں اور پاکستان سعودی عرب کی سلامتی خود مختاری،اور حرمین شریفن کے تحفظ کیلئے ہر وقت تیار ہے۔
