ایڈیلیڈ : پاکستانی ٹیم ورلڈ کپ کے کوارٹرفائنل میں آسٹریلیا سے دو دو ہاتھ کرنے کیلئے تیاریوں میں مصروف ہے۔ بڑے میچ کیلئے بڑی تیاریاں جاری ہیں۔ مگرمحمد عرفان کے ٹیم سے آؤٹ ہونے سے ٹیم کو بڑا دھچکالگا ہے۔
پیس اٹیک کی تمام تر ذمہ داری اب وہاب ریاض، راحت علی اور سہیل خان کے کاندھوں پر آگئی ہے۔
تفصیلات کے مطابق آسٹریلیا کے خلاف ڈو اینڈ ڈائی میچ کے لئے قومی ٹیم کی ایڈیلیڈ میں بھرپور تیاری جاری ہے۔ آسٹریلوی بولرز سے نمٹنے کیلئے بلے بازوں کو خصوصی ٹپس دی جارہی ہیں۔
فیلڈنگ بھی مزید بہتر بنانے کے لئے کوشش ہورہی ہیں۔ ایڈیلیڈ کی چھوٹی باؤنڈری پر بولرز اور بیٹسمین دونوں کا ہی امتحان ہوگا۔ آسٹریلیا کے پاس دنیا کے بہترین ہٹرز موجود ہیں تو پاکستان بھی جارحانہ مزاج بیٹسمینوں سے لیس ہے۔
مقابلہ بہت سخت ہونے کا امکان ہے۔ کرکٹ کے پاکستانی متوالے شاہینوں سے فتح کی آس لگائے بیٹھے ہیں۔
