کراچی :سابق رُکنِ قومی اسمبلی نبیل گبول نے ایم کیوایم میں شمولیت کواپنی غلطی قراردے دیا اور کہا کہ لیاری کے عوام میں واپس آگئے ہیں۔
سابق رکن قومی اسمبلی نبیل گبول نے لیاری کے مختلف علاقوں کا دورہ کیا، اس موقع پر اُن کے ساتھ لوگوں کی بڑی تعداد موجود تھی، نبیل گبول نے حلقہ این اے دوسوچھیالیس سے الیکشن لڑنا اپنی غلطی قراردی۔
نبیل گبول نے لیاری کے عوام میں واپس آنے پرخوشی کا اظہارکرتے ہوئے کہا کہ لیاری کے عوام کی مرضی کی پارٹی جوائن کریں گے۔ نبیل گبول نے لیاری جنرل اسپتال کا بھی دورہ کی۔
نبیل گبول نے اپنے سابقہ حلقہ انتخاب میں الیکشن ملتوی ہونے کا خدشہ ظاہرکیا، ان کا کہنا تھا کچھ غنڈہ عناصر کسی کو مہم چلانے نہیں دے رہے، کسی امیدوار کو ہلاک کیا جاسکتا ہے۔
نبیل گبول نے حلقے میں فوج لگانے کے پی ٹی آئی کے مطالبے کی تائید کی،ان کا کہنا تھا ایم کیوایم کو ڈر ہے سیٹ ہاتھ سے نہ نکل جائے، اتنا خون خرابہ ہوسکتا ہے کہ گورنرراج کی نوبت آجائے۔
نبیل گبول نے یہ بھی کہا کہ وہ دوبارہ پیپلزپارٹی میں جاسکتے ہیں، شرط یہ ہے کہ پارٹی سے گندے انڈوں کونکال باہر کیا جائے۔
