بنوں: پاکستان کے قبائلی علاقے بنوں میں نامعلوم افرادکی فائرنگ نے دو افراد کی جان لے لی جبکہ ایک شخص اس فائرنگ کے نتیجے میں زخمی ہوگیا۔
پولیس کے مطابق بنوں کے تھانہ نورنگ کے حدود میں مسلح افراد نے فائرنگ کرکے دو افراد کو موت کے گھاٹ اتار دیا،فائرنگ سے ایک شخص زخمی بھی ہوا جسے طبی امداد کیلئے اسپتال منتقل کردیا گیا۔
واقعے کے بعد علاقے میں خوف و ہراس پھیل گیا۔ پولیس نے جائے واردات پر پہنچ کر علاقے کو گھیرے میں لے لیا۔ پولیس کے مطابق واقعے کی تفتیش جاری ہے۔
