بنگلہ دیش: برما میں روہنگیا مسلمانو ں کی نسل کُشی اور بدترین سلوک کے بعد بنگلہ دیشی حکومت بھی روہنگیا پناہ گزینوں کو ملک بدر کرنے کے در پے ہے۔
بنگلہ دیش کے کیمپوں میں مقیم برما سے ہجرت کرکے آنے والے روہنگیا مسلمانوں کی پریشانی بڑھ گئی، بنگلہ دیشی حکومت روہنگیا مسلمانوں کو ملک بدر کرنےکی منصوبہ بندی میں مصروف ہے۔
بنگلہ دیش کے سرحدی علاقے میں تینتیس ہزار روہنگیا پناہ گزین ہیں، جن کو اپنا شہری تسلیم نہ کرنے پر بنگلہ دیش اور برما میں تنازع چل رہا ہے۔
وزیرِاعظم بنگلہ دیش حسینہ واجد نے دعویٰ کیا ہے کہ روہنگیا مسلمان برما کے شہری ہیں، بنگلا دیش لمبے عرصے تک ان کی مہمان نوازی نہیں کر سکتا، انہیں یہاں سے جانا ہوگا۔
پناہ گزینوں کا کہنا ہے کہ وہ کسی صورت برما نہیں جائیں گے۔
دوسری جانب برما میں شدت پسند بدھ مت اور برمی مسلمانوں کے درمیان کشیدگی کو ایک سال سے زیادہ عرصہ ہوگیا ہے اور اس دوران روہنگیا مسلمانوں کی نسل کُشی جاری ہے۔
