لاہور: پولیس نے داعش سے تعلق رکھنے والے 2 ملزمان کو شہر میں وال چاکنگ اور اسٹکرز لگانے کے الزام میں گرفتار کر لیا ہے۔
سی سی پی او لاہور کی ہدایت پر خصوصی ٹیم نے نواب ٹاؤن کے علاقے میں 2 ملزمان کو داعش کے اسٹکرز لگانے اور وال چاکنگ کرنے کے الزام میں گرفتار کر کے مقدمہ درج کر لیا ہے، پکڑے جانے والے دونوں ملزمان کو تفتیش کیلئے نامعلوم مقام پر منتقل کر دیا گیا ہے جبکہ دیگر ساتھیوں کی گرفتاری کیلئے چھاپے مارے جا رہے ہیں۔
