کولمبیا : ساؤتھ کیرولینا حکومت نے کنفیڈریڈ کے جھنڈے کو اتار دیا، تفصیلات کے مطابق ساؤتھ کیرولینا حکومت نے غلامی کے نشان کنفیڈریشن کے جھنڈے کو اتار دیا۔
جمعے کے روز اسٹیٹ کیپیٹل گراؤنڈ میں ہونے والی ایک پروقار تقریب میں مذکورہ جھنڈے کو اتارا گیا، جو کہ ساؤتھ کیرولینا کے غلامی کے حق میں روایات کا نشان سمجھا جاتا تھا۔
سول وار کا یہ جھنڈا اسٹیٹ ہاؤس پر تقریباً 54 برس تک لہراتا رہا، جو کہ اس تاریخی واقعے کے رونما ہونے کے ایک ماہ کے اندر جب ایک سفید فام امریکی باشندے نے کارلٹس چرچ کے اندر نو سیاہ فام امریکی باشندوں کو قتل کر دیا تھا۔
جھنڈا اتارنے کی تقریب میں ہزاروں کی تعداد میں امریکی عوام بھی شریک تھی۔ اس موقع پر جھنڈے کو اتار کر اسے انتہائی احترام کے ساتھ طے کرکے اس کو قریبی میوزیم میں بھجوا دیا گیا۔
اس موقع پر موجود شہریوں نے یو ایس اے یو ایس اے کے تعرے بھی لگائے، واضح رہے کہ مذکورہ جھنڈا جہاں بہت سے لوگوں کیلئے نفرت غلامی اور نسل پرستی کا نشان تھا وہیں ساؤتھ کیرولینا کے لئے ورثے اور فخر کا نشان سمجھا جاتا ہے۔
