لندن: متحدہ قومی موومنٹ کےرہنما ڈاکٹرفاروق ستار کا کہنا ہے کہ پاکستان کا سب سے بڑا مسئلہ مذہبی انتہاپسندی اوردہشت گردی ہے ۔لندن میں ایم کیوایم یوکے زیراہتمام ہونے والی دعوت افطار سے خطاب کرتے ہوئے ایم کیو ایم کے رہنما ڈاکٹرفاروق ستار کا کہنا تھا کہ پاکستان کے داخلی استحکام،معاشی ترقی اورقومی یکجہتی کیلئے ضروری ہے کہ ملک سے دہشت گردی کاخاتمہ کیاجائے۔
فاروق ستار کا کہنا تھا کہ ایم کیو ایم کے قائد الطاف حسین نے کئی سال قبل ہی پاکستان کے ارباب اختیارکو خبردار کردیا تھا اگر طالبانائزیشن کونہیں روکاگیاتویہ ملک کے لئے انتہائی تباہ کن ہوگا۔
