فیصل آباد: پاکستان تحریکِ انصاف پنجاب کے صدر میاں محمود الرشید نے کہا ہے کہ شریف برادران کے استعفے تک احتجاج جاری رہے گا۔
میاں محمود الرشید فیصل آباد میں گھنٹہ گھر چوک پرمرکزی احتجاجی مظاہرے میں موجود تھے اور انہوں نے اے آروائی نیوز سے گفتگو کرتے ہوئے انہوں نے کہا کہ اب یہ تحریک گھرگھرجائے گی۔
انہوں نے مسلم لیگ ن کی جانب سے پی ٹی آئی کے کارکنوں پرحملے اورکارکنوں کی شہادت کی شدید مذمت کی۔
- Advertisement -
انہوں نے کہا کہ کارکن عمران خان کا پیغام ملک کے کونے کونے میں پھیلائیں اور گھر گھر اس تحریک کو لے کر جائیں۔
ان کا کہنا تھا کہ اب یہ احتجاجی تحریک وزیرِاعلیٰ پنجاب میاں شہبازشریف اور وزیرِاعظم میاں نوازشریف کے استعفیٰ دینے تک جاری رہے گی۔
انہوں نے اس موقع پر پنجاب بھر میں یومِ سوگ کا بھی اعلان کیا۔
