امریکی شہر شکاگو میں شدید سردی اور دھند کے باعث بند اسکولزو کالجز میں تدریسی سرگرمیاں آج سے شروع ہوگئیں۔
شکاگو میں خون منجمد کر دینے والی سردی کے پیش نظر دو روز قبل بند اسکولز وکالجز میں تدریسی سرگرمیاں آج سے شروع ہوجائینگی، شکاگو پبلک اسکولز مینجمنٹ چیف باربرا نے پریس کانفرنس کرتے ہوئے کہا کہ اسکول کھولنے کا فیصلہ موسم میں قدرے بہتری کے بعد کیا گیا تاہم انہوں نے والدین کو ہدایت کی ہے کہ بچوں کو یونیفارم سمیت گرم ملبوسات میں اسکولز بھیجا جائے۔
یاد رہے کہ ان دنوں امریکہ کی متعدد ریاستیں شدید برفباری اور سردی کی لپیٹ میں ہیں اور کئی شہروں میں شدید سردی کئی سال پرانے ریکارڈ بھی ٹوٹ گئے ہیں۔
