غزہ: تین روزہ جنگ بندی کے بعد ایک بار پھر اسرائیلی بمباری سے گونج اٹھا، صیہونی فوج نے نہتے فلسطینیوں پر فضائی حملے شروع کردئیے، حملے میں دس سالہ بچہ شہید ہوگیا۔
غزہ میں اسرائیلی فوج کی درندگی ایک بار پھر شروع ہوگئی، اسرائیل اور حماس کے درمیان غزہ میں تین دن سے جاری جنگ بندی ختم ہونے کے بعد اسرائیلی رہنماؤں نے فوج کو غزہ پر بمباری کرنے کی ہدائت جاری کردیں، صیہونی فوج نے غزہ پر فضائی بمباری کرکے لوگوں میں خوف ہراس پیدا کردیا۔
غزہ کی سرزمین پر اسرائیلی فوجیوں کا مکمل محاصرہ ختم نہ کرنے اور حماس کے جائز مطالبات پورے نہ ہونے پر حماس کے رہنماؤں نے جنگ بندی میں توسیع کرنے سے انکار کیا تھا۔
حماس کا کہنا ہے کہ غزہ میں اسرائیلی فوج کی ناجائز غنڈہ گردی نا قابل قبول ہے، غزہ میں آٹھ جولائی سے شروع ہونے والی صیہونی فوج کی پر تشدد کاروائیوں میں اب تک انیس سو سے زیادہ فلسطینی شہید ہوچکے ہیں۔
