لاہور: بلاول ہاؤس لاہورمیں پی پی کارکنان نے گو نواز گو کے نعرے لگائے، تفصیلات کے مطابق پاکستان پیپلزپارٹی کے بلاول ہاؤس لاہور میں ہونے والے 48ویں یوم تاسیس کے موقع پر جیالوں نے گو نواز گو کے نعرے لگادیئے۔
اس موقع پرپارٹی کے کو چیئرمین آصف علی زرداری نے کہا کہ موجودہ حکومت "میرے عزیز ہم وطنوں” سے بہتر ہے، کیونکہ بدترین جمہوریت سے بہترین آمریت سے بہتر ہے۔
انہوں نے کہا کہ میری گُھس بیٹھیوں پر نظر ہے اور سیاست میں جو نیا بھیڑیا آیا ہے وہ صرف چار ماہ کا ٹی وی شو ہے، آصف زرداری کا کہنا تھا کہ جیالوں کی جانب سے گو نواز گو کے نعرے لگانے پر مجھے کوئی اعترض نہیں۔
- Advertisement -
گو نواز گو کا نعرہ مجھے بھی اچھا لگتا ہے مگر ہم یہ نعرہ جمہوری طریقے سے لگائیں گے،انہوں نے کہا کہ امپائر کی انگلی کے اشارے پر سیاست کرنے والوں کی کرکٹ پر بھی شک ہے۔
