لاہور: پنجاب حکومت نے کنٹینر ہٹانے سے متعلق لاہور ہائیکورٹ کے فل بنچ کے فیصلے کے خلاف نظرثانی کی اپیل دائر کردی۔ حکومت پنجاب کی جانب سے نظر ثانی کی اپیل لاہور ہائیکورٹ میں دائر کی گئی ہے۔حکومت پنجاب کی نظر ثانی اپیل میں موقف اختیار کیا گیا ہے کہ ملک اس وقت حالت جنگ میں ہے مگر اس کے باوجود عمران خان آزادی مارچ کر کے امن و امان کے مسائل پیدا کر رہے ہیں۔
عمران خان کے غیر ذمہ دارانہ رویے کی بناء پرشہریوں کی جان و مال کو سنگین خطرات لاحق ہو چکے ہیں مگر اس کےباوجود عدالت عالیہ کے فل بنچ نے سڑکوں پر کھڑی رکاوٹیں اور کنٹینرز ہٹانے کا حکم دے دیا ہے۔عدالت عالیہ کو سکیورٹی معاملات میں مداخلت کا کوئی اختیار نہیں ہے۔ شہریوں کی جان و مال کے تحفظ کے لئے کنٹینرز اور رکاوٹیں لگائی گئیں لہذا عدالت فل بنچ کے فیصلے پر نظر ثانی کرے
