کراچی: اسٹیٹ بنک کی جانب سے مانیٹری پالیسی کا اعلان کردیا گیا ہے، مرکزی بینک نے آئندہ دو ماہ کیلئے شرحِ سود کو دس فیصد کی موجودہ سطح پر مستحکم رکھا ہے۔
اسٹیٹ بنک آف پاکستان نے مانیٹری پالیسی کا اعلان کردیا ہے، اسٹیٹ بینک آف پاکستان کی جانب سے جاری کردہ اعلامیہ کے مطابق پچھلے چند ماہ کے دوران معاشی اظہاریوں میں مطلوبہ سمت میں تبدیلیاں ہوئی ہیں اورافراطِ زرکی شرح بھی قابو میں ہے۔
اسٹیٹ بنک کے مطابق ملک میں جاری سیاسی صورتِ حال کے باعث اورغیرملکی سرمایہ کاری میں نمایاں کمی آئی ہے، اسی طرح مالی سال کی پہلی ششماہی میں مالیاتی خسارہ قابو میں رہا جبکہ نجی شعبے کے قرضے میں اضافہ ہوا ہے۔
اس کے علاوہ مالیاتی حکام طویل مدت کے لئے قرض لینے میں کامیاب رہے، جس سے منڈی میں مثبت احساسات کا پتہ چلتا ہےجبکہ امریکی ڈالر کی نسبت روپے کی قیمت میں اضافہ ہوا ہے۔
Comments
- Advertisement -
