اشتہار

مصری حکومت کا غزہ میں جنگ بندی کا 4نکاتی منصوبہ

اشتہار

حیرت انگیز

قاہرہ: مصری حکومت نے غزہ میں جنگ بندی کا چار نکاتی منصوبہ پیش کردیا، امریکا اور عرب لیگ کی جانب سے منصوبے کا خیر مقدم کیا گیا ہے جبکہ تجویز پر غور کے لیے اسرائیلی وزیراعظم نے کابینہ کا اجلاس طلب کرلیا ہے۔

مصر ی وزارت خارجہ کے ترجمان کا کہنا ہے کہ منصوبے کا مقصد اسرائیل اور حماس کے درمیان جاری لڑائی کو فوری روکنا ہے، مصری حکام کا کہنا ہے کہ فریقین کی جانب سے رضامندی کے بعد بارہ گھنٹوں کےاندر علاقے میں جنگ بندی موثر ہوجائے گی اور اڑتالیس گھنٹوں کے دوران اسرائیل اور حماس کے نمائندے قاہرہ میں جنگ بندی کی شرائط کے تعین کے لیے مذاکرات کا آغاز کردیں گے، امریکا نے مصری منصوبے کا خیر مقدم کرتے ہوئے امید ہے ظاہر کی ہے کہ تجویز سے خطے میں جلد از جلد امن ہوجائے گا۔

دوسری جانب اسرائیلی وزیر اعظم نیتن یاہو نے تجویز پر غور کرنے کے لئے کابینہ کا اجلاس طلب کرلیا ہے جبکہ حماس کے ترجما ن نے جنگ بندی کی تجویز کو سراہتے ہوئے خبردار کیا کہ کسی ٹھوس معاہدے کے بغیر جنگ بندی نہیں کریں گے، اگر اسرائیل نے مذاکرات کے ساتھ بمباری جاری رکھی تو جنگ بندی کو نہیں مانیں گے۔

Comments

اہم ترین

مزید خبریں