واشنگٹن: امریکی صدر براک اوباما نے غیر معمولی شجاعت کا مظاہرہ کرنے پر سارجنٹ ریان پٹس کو اعلیٰ فوجی اعزاز میڈل آف آنر سے نوازا۔
وائٹ ہاوس میں سارجنٹ ریان کے اعزاز میں ہونے والی تقریب میں امریکی صدر براک اوباما نے سارجنٹ ریان کی دلیری کی تعریف کرتے ہوئے انھیں میڈل آف آنر عطا کیا۔
سارجنٹ ریان پٹس دو ہزار آٹھ میں افغانستان کے صوبے کنڑ میں افغان طالبان کے حملے میں شدید زخمی ہوگئے تھے، اس موقع پر اوباما نے اس جھڑپ میں مرنے والے فوجیوں کو خراج تحسین بھی پیش کیا۔
