اشتہار

پاکستان کی پہلی اینیمیٹڈ فلم ’تین بہادر‘2015 میں ریلیزہوگی

اشتہار

حیرت انگیز

کراچی: پاکستان کی پہلی تھری ڈی اینیمٹڈ فلم ’تین بہادر‘وادی اینیمیشنز، ایس او سی فلمز اور اے آر وائی فلمز کے اشتراک سے 2015 میں نمائش کے لئے پیش کی جائے گی۔

بچوں کے لئے بنائی جانے والی ایڈونچر مووی کا فرسٹ لک، اے آر وائی ڈیجیٹل نیٹ ورک کے سی ای او سلمان اقبال اور وادی اینیمیشن کی سی ای او شرمین عبید چنائے نے مقامی سینما میں ایک پریس کانفرنس کے دوران پیش کیا۔

اس مووی کی سب سے اہم بات یہ ہے کہ اس کے کردار ، اور مناظر بچوں کے اپنے ماحول سے متعلق ہیں اور وہ بچے جو اب تک غیر ملکی اینیمیٹڈ فلمیں دیکھتے تھے انہیں ’تین بہادر‘ میں اپنے ماحول سے متعلق بہت کچھ دیکھنے کو ملے گا۔

- Advertisement -

مرکزی خیال

اس فلم کی کہانی تین بچوں( آمنہ، سعدی اور کامل) کے گرد گھومتی ہے جو کہ اپنے گاؤں کو بچانے کے لئے ایک لمبے اور پر خطر سفرپرنکلے ہیں۔ دیکھنا یہ ہے کہ آیا یہ بچے برائی کو شکست دے کر اپنے گاؤں کا امن بحال کرنے میں کامیاب ہو پائیں گے۔

ٹریلر

اس موقع پر اے آر وائی ڈیجیٹل نیٹ ورک کے سی ای او سلمان اقبال کا کہنا تھا کہ ہمارے ملک کے بچے بے حد بہادر ہیں اور ہمیں ان کو آگے لانا ہوگا، یہ فلم انہی کے لئے بنائی گئی ہے

وادی اینیمیشن کی سی ای او شرمین عبید چنائے نے اس موقع پرکہا کہ یہ ایک مشکل کام تھا لیکن ہمارے قابل اینیمیٹرز کی ٹیم نے اسے انتہا ئی خوبی کے ساتھ پایۂ تکمیل تک پہنچایا ہے۔

 

’تین بہادر‘ آئندہ سال موسمِ گرما میں سینما گھروں کی زینت بنے گی۔

Comments

اہم ترین

فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں

مزید خبریں