پنجاب میں بلدیاتی انتخابات کے لئے تیاریاں شیڈول کے مطابق زورشور سے جاری ہیں، الیکشن کمیشن نے بلدیاتی انتخاب کے لئے جمع کرائے گئے کاغذات سے متعلق نوٹی فیکیشن جاری کردیا۔
لاہور کی دو سو چوہتر یونین کونسلز پر عوام کی خدمت کے لئے چودہ ہزار نوسو اکیانوے امیدواروں نے کاغذات نامزدگی جمع کرائے جبکہ جنرل نشستوں کے لئے سات ہزار چھ سو آٹھ امیدوار مقابلے کے خواہش مند ہیں۔
کاغذات کی جانچ کا عمل چار جنوری تک جاری رہےگا، جس کے بعد منظور یا مسترد کاغذات کے خلاف اپیلیں سات جنوری تک دائر کی جاسکیں گی، اپیلوں پر فیصلے آٹھ سے گیارہ جنوری تک سنائے جائیں گے۔
- Advertisement -
بارہ جنوری کو امیدوار کاغذات واپس لے سکیں گے جبکہ تیرہ جنوری کو امیدواروں کی حتمی فہرست نشانات کے ساتھ جاری کردی جائے گی، صوبے میں پولنگ تیس جنوری اور نتائج کا اعلان دو جنوری کو کیا جائے گا۔
