اسلام آباد: وزیرِ اعظم نوازشریف کا کہنا ہے کہ کراچی کی صورتحال ہرگزرتے دن کے ساتھ بہتر ہورہی ہے، ملک سے دہشت گردی کا خاتمہ کرکے دم لیں گے۔
وزیرِاعظم نوازشریف سے گوجرنوالہ، سیالکوٹ، نارووال، حافظ آباد اور گجرات کے لیگی ارکان قومی اسمبلی نے ملاقات کی، اس موقع پر وزیراعظم نےکہا کہ کراچی میں آپریشن شروع کرنے کا کریڈٹ لیگی حکومت کوجاتا ہے، سیاسی جماعتوں کو اعتماد میں لے کر کراچی آپریشن کا فیصلہ کیا امرانہ ادوار میں دہشت گردی اور انتہا پسندی پروان چڑھی۔
وزیراعظم سے ن لیگ کے ارکان قومی اسمبلی کے وفد نے ملاقات کی ملاقات میں سیاسی صورتحال اور ترقیاتی منصوبوں پر تبادلہ خیال کیا گیا، وزیراعظم نے ارکان اسمبلی سے گفتگو کرتے ہوئے کہا کہ ضرب عضب نے دہشت گردوں کے نیٹ ورک اور پناہ گاہوں کا خاتمہ کیا ہے دہشت گردی کے خاتمے کے لیئے بیس نکاتی قومی لائحہ عمل پر کام جاری ہے۔
انہوں نے کہا کہ جمہوری حکومت دہشت گردی کے خاتمے کے لیئے اقدامات کر رہی ہے۔
وزیراعظم کا کہنا تھا کہ عوام کو قریب لانے کے لئے موٹرویز تعمیر کر رہے ہیں، حکومت توانائی کے کی امور کو ترجیح دے رہی ہے، انہوں نے کہا کہ 2017 تک دس ہزار میگا واٹ بجلی نظام میں شامل ہو جائے گی، ایل این جی سے 3600میگا واٹ بجلی پیدا کی جائے گی
نواز شریف نے کہا کہ کسی محکمے میں کسی بھی سطع پر بدعنوانی بر داشت نہیں کی جائے گی بد عنوانی میں ملوث کسی بھی شخص کے ساتھ سختی سے نمٹا جائے گا۔
ذرائع کے مطابق وزیراعظم کل کراچی کا دورہ بھی کریں گے اور شہر میں امن و امان کی صورتحال کا جائزہ لیں گے۔
