لاہور: پاکستان کرکٹ بورڈ نے کیسینو جانے پر قومی کرکٹ ٹیم کے چیف سلیکٹر معین خان سے وضاحت طلب کرلی ہے۔
ذرائع کے مطابق ورلڈ کپ میں ویسٹ انڈیز کے خلاف میچ سے ایک روز قبل قومی ٹیم کے چیف سلیکٹرمعین خان کسینو میں دیکھے گئے تھے۔
پی سی بی نے معین خان سے کیسنو جانے پر وضاحت طلب کرلی ہے۔ معین خان کیسینو میں کیا کررہے تھے، پی سی بی نے معین خان کو شوکاز جاری کردیا ہے۔
شوکاز نوٹس میں استفسارکیا گیا ہے کہ وہ کسینومیں کیوں گئے تھے،اس کی وضاحت کریں ۔ پی سی بی ذرائع کے مطابق میڈیا میں اُنیوالی اُن خبروں پر نوٹس لیاگیا ہے۔
جن میں بتایاگیا تھا کہ ویسٹ انڈیز کے خلاف قومی کرکٹ ٹیم کے میچ سے ایک دن قبل معین خان جوئے کے اڈے پر گئے تھے ۔
ذرائع نے بتایاکہ چیئرمین پی سی بی مسلسل شکستوں کی وجہ سے پہلے بھی معین خان سے خوش نہیں تھے اوراب کسینوکی خبروں نے مزید بگاڑ پیداکر دیا ہےاور پاکستان کی ویسٹ انڈیز سے شرمناک شکست پر بھی سوال پیدا ہورہے ہیں۔
