دبئی : گورنر سندھ ڈاکٹر عشرت العباد نے وزیرِ داخلہ سے کارکنوں کی گرفتاری اور چھاپے سے متعلق تحقیقات کا مطالبہ کردیا ہے۔
گورنر سندھ ڈاکٹرعشرت العباد نے دبئی سے وفاقی وزیرِداخلہ چوہدری نثار اور ڈی جی رینجرز بلال اکبر سے رابطہ کیا، گورنرسندھ نے کراچی کی موجودہ صورتحال پر گفتگو کرتے ہوئے کہا کہ وفاقی وزیرِ داخلہ کراچی کی صورتحال پراپنا کردار ادا کریں۔
گورنر سندھ عشرت العباد نے چوہدری نثار سے واقعے کی غیرجانبدار تحقیقات کا مطالبہ کیا۔ چوہدری نثارنے یقین دلایا کہ کسی کے ساتھ زیادتی نہیں ہوگی۔
دوسری جانب ڈائریکٹر جنرل رینجرزبلال اکبر سے ٹیلیفونک رابطے میں گورنر سندھ نے کہا ہے کہ زیرِحراست افراد سے تفتیش جلد یقینی بنائی جائے۔
Comments
- Advertisement -
