یمن: یمن میں ایرانی سفارتخانہ سعودی اتحاد کی بمباری کی زد میں آگیا ، ایران نے مزید حملوں کی صورت میں سعودی عرب کو سنگین نتائج بھگتنے کی دھمکی دے دی ہیں۔
ایران نے اقوام متحدہ کی سیکورٹی کونسل کو آگاہ کرتے ہوئے خبردار کیا ہے کہ یمن میں ایرانی سفارتخانے کو سعودی اتحادی افواج کی جانب سے دو بار نشانہ بنایا گیا ہے، جس سے سفارتخانے کو شدید نقصان پہنچا ہے، سیکیورٹی کونسل حملے پرفوری ردعمل ظاہر کرے۔
ایرانی حکام کا کہنا ہے کہ سفارتخانے کو دوبارہ نشانہ بنایا گیا تو سعودی عرب کوسنگین نتائج بھگتنا ہوں گے۔
دوسری جانب یمنی سرحد کے قریب دو سعودی شہریوں کی ہلاکت کے بعد سعودی افواج نے سرحدی علاقوں پر تابڑ توڑ حملے کیے، جس کے نتیجے میں انیس شہری ہلاک ہوگئے، یمن میں حوثی قبائل کے خلاف گیارہ ہفتوں سے جاری فضائی حملوں میں سعودی اتحادی افواج کو واضح کامیابی حاصل نہیں ہوسکی ہے۔
حوثی قبائل کی جانب سے تاحال شدید مزاحمت کی جارہی ہے جبکہ کئی علاقے حوثی قبائل کے کنٹرول میں ہیں۔
