لندن: یورپ میں تاریخ کا بڑا سورج گرہن 20مارچ کو ہوگا، سورج گرہن کے باعث لندن میں سورج کا 84 فیصد حصہ تاریک ہوجائیگا، جس سے بجلی کی فراہمی بھی متاثر ہوگی۔
جب چاند20 مارچ کو سورج اور زمین کے درمیان آئے گا تو زمین کا بڑا حصہ تاریکی میں ڈوب جائیگا، اسکاٹ لینڈ میں چورانوے فیصد سورج سیاہ ہوگا جبکہ فاروئے آئی لینڈ اور شمالی ناروے میں مکمل اندھیرا چھا جائے گا۔
خلائی ماہرین کا کہنا ہے کہ دو ہزار چھبیس تک دوبارہ ایسا سورج گرہن نہیں دیکھا جا سکے گا، سورج گرہن دو منٹ سینتالیس سیکنڈ تک اپنے عروج پر ہوگا۔
گیارہ اگست انیس سو ننانوے کے بعد لگنے والے اس تاریخی سورج گرہن کی وجہ سے یورپی ممالک میں بجلی کی فراہمی میں بھی تعطل آئےگا۔
Comments
- Advertisement -
